recent
أحدث الحلقات

شاهد مسلسل لحم غزال الحلقة 5

الصفحة الرئيسية

 


مسلسل لحم غزال بطولة كلاً من غادة عبدالرازق وعمرو عبدالجليل ومى سليم وحمدى الميرغنى وكوكبة من نجوم السينما المصرية. 


مسلسل لحم غزال الحلقة 5 

  • السلام عليكم ورحمة الله وبركاته أهلاً بيكم فى حلقة جديدة من مسلسل لحم غزال. 
  • بتبداء أحداث الحلقة 5 بأن غزال بتقول لسيد أنها قتلته زي ما أنت قتلت الحاج مأمون، بيضربها بالقلم ويقولها أنا أقتل أه لكن أنتى لأ، وأنا قادر أوديكي فى 60 داهية، لكن غزال بتقوله أن والله العظيم هو مات غصب عنى. 
  • فى مشهد تانى بتدخل شوق الأوضة بتشوف جوزها شوقى ماسك موبايلها وبيفتش فيه، بيضربها ويقولها مين غزال ده اللى بتكلميه، وبيخليها تتصل علي الرقم، فى المقابل بيكون سيد ماسك غزال ويقولها ردى عليها ولو فتحتى بوقك هقتلك، ولما بتكلمها شوق وترد عليها غزال بيطمن جوزها ويسيبها ويمشى. 
  • الأتنين اللى متجوزهم شوقى واحده فيهم بتعمل للتانية كوباية شاي بلبن وبتحطلها حاجه فى الكوباية، بعدها بتقعد جمبها وتقولها أننا لازم نتصالح ونبطل نكد على سيد علشان ميتجوزش علينا واحده تالته، وبتوافق عفاف على كلامها وفى الأخير بتقولها أشربى الشاي بلبن ده علشان يبقا فيه بنا أتفاق. 
  • على بيقول لقرايبه أن من بكره هتنزلوا الشغل فى المدبح ولو الشغل وقف دقيقة صبحى هيركب السوق، لكن فتحى بيقوله إذاي هننزل شغل وأحنا لسه دافنين الراجل أمبارح، وعلى يرد عليه ويقوله أن اللى بتتكلم عليه ده أبويا وهو اللى علمنى منوقفش حاجه، وحقه أنا هعرف أخده، ويحرم عليا أكمل حياتى لو حقه مرجعش. 
  • بتشتكى شوق لأمها بسبب معاملة شوقى ليها، لكن أمها بتقترح عليها أنها تبيع الشقه وتسدد أقساط الأمانه اللى عليها، لكن شوق بترفض الفكرة وتدايق.
  • بتحلم غزال بكابوس وبتفوق منه بتلاقى أعراض الأغتصاب عليها. 
  • بتروح مرات سيد عند واحده وبتديلها العمل اللى عملته على صورة عفاف وسيد وتقولها أخفيها بعيد عن عين أي حد، ولو حد شافها هيبطل العمل، وفى الأخير بتديها حجاب وبتطلب منها تبخر بيه الأوضة. 
  • بيروح على السوق ويفتح المحل وتتلم عليه الناس علشان تعزيه، لكن على بيقولهم أنه مبيقبلش عزا غير لما يجيب حق أبوه، بيروحله بعدها صبحى ويقوله مع أن فيه بنا خلاف لكن مكنتش أحب موته، وحياتك الباقية يا على، لكن على بيقوله حياتك الباقية حاول تلحق تتبسط بيها. 
  • بترجع شوق البيت عند غزال بتلاقيها بتلم هدومها، بتسألها بتعملى أيه؟ بتقولها غزال أنا خلاص قررت أمشى من هنا، بتسألها ليه؟ بتقولها سيد هو اللى دخل هنا وأخد الحاجه، وعرف أن أنا اللى قتلت ابوناسه. 
  • وفى أخر أحداث الحلقة بيروح الحاج سلامه هو والمعلمين عند على ويقولوله المشروع ده من أوله هم وأحنا مش بتوع مشاكل، لكن على بيقولهم أن المشروع ملهوش دعوه بصبحى، وأن المشاكل اللى بينهم من زمان ، لكن بيصمموا على الرفض، وفى الأخير على بيقولهم خدوا فلوسكم لحوم من المدبح. 


مواعيد عرض مسلسل لحم غزال 

يتم عرض المسلسل على قنوات Mbc بداية من الساعه الثامنة بتوقيت القاهرة وأيضاً على موقع شاهد vip
google-playkhamsatmostaqltradent