recent
أحدث الحلقات

شاهد مسلسل ملوك الجدعنه الحلقة 14

 


مسلسل ملوك الجدعنه بطولة كلاً من  مصطفى شعبان وعمرو عبدالجليل وعمرو سعد ورانيا يوسف وياسمين رئيس، الذين يطلون علينا بدراما جديده فى رمضان 2021 


مسلسل ملوك الجدعنه الحلقة 14 

  • بتبداء أحداث الحلقه 14 من مسلسل ملوك الجدعنه بأن الشرطه بتوصل للمكان اللى أتبعت اللوكيشن بتاعه للظابط وبيقدروا يمسكوا سيف، فى المقابل مصطفى بيقدر يجرجر مجدى وراه لحد ما يوصله لمكان الفخ، وأول ما بيوصل بيلاقى سريه وسفينه مستنينه وبيقوله سفينه أهلاً بالراجل التانى، وسريه يقوله هتلعب معانا ولا هترفع الرايه البيضه؟ 
  • بيقولهم مجدى هو أنتوا فاكرين بالحركتين دول هخاف ولا أنتوا هتقدروا علينا، فين سيف يالا منك له؟ بيقوله سفينه أن سيف دلوقتى فى مكان أحسن، بيرد عليه سريه ويقوله تلاقيه بياخد الطريحه فى القسم، وبيقولهم مصطفى الاسود متقلقوش عليه أنا موصى رجالتى يقوموا معاه باللازم. 
  • بيتغير بعدها المشهد على الظابط وهو بيحقق مع سيف وبيسأله أيه اللى وصلك للمكان ده وعمل فيك كده؟ بيقوله سيف معرفش هما تلاته خطفونى وهما اللى ربطونى كده، بعدها بيسأله ويقوله بالنسبه لتزوير خبر وفاتك؟ بيقوله معرفش حاجه، وفى الأخير بيأمر ظابط المباحث بفتح تحقيق فى خبر وفاته وإستدعاء مدير المستشفى. 
  • بتشتعل السوشيال ميديا بعد أنتشار خبر القبض على سيف العتال ونفى خبر وفاته، وبينتشر بشكل كبير الفيديو اللى تم تصويره وهو بيعترف فيه على نفسه. 
  • سريه وسفينه بيضربوا مجدى ورجالته وبيربطوهم ويقوله سفينه أن حق حبيبه هاخده منكم واحد ورا التانى والدور الجاى على زاهى العتال، بيقوله مجدى أنت لسه متعرفش بتلعب مع مين، واللى أنت بتعمله ده أخرته وحشه ليكم وهتندموا عليه، بيقوله سريه أن اللى حصل حصل والندم وقته راح. 
  • بيوصل لزاهى فيديو لمجدى وهو مربوط ومضروب وبيقولوله الدور الجاي عليك. 
  • بيكلم زاهى بعدها عنتر وبيقوله العيال دى زودتها أوى، بيقوله عنتر اللى تؤمر بيه سعادتك هيتنفذ، بيطلب منه زاهى أنه يخطف أخته. 
  • بيوصل خبر القبض على سيف لزاهى وبتقوله دينا قعدت تقولى متخافيش ومفيش حاجه هتحصل للواد لحد ما أتقبض عليه، بيقولها زاهى متخافيش عليه أنا هخرجه منها زي الشعره من العجينه، مش أبن زاهى العتال اللى يدخل سجن.
  • وفى أخر أحداث الحلقه بيستغل عنتر نسخة المفتاح اللى معاه وبيتفق مع اتنين ويخطفوا نجلاء علشان يساوموا سفينه بيها.



مواعيد عرض مسلسل ملوك الجدعنه

يتم عرض المسلسل على موقع شاهد vip فى الساعه 11 مساءً بتوقيت القاهرة ومقدم حلقة عن الشاشه 

google-playkhamsatmostaqltradent