recent
أحدث الحلقات

شاهد مسلسل ملوك الجدعنه الحلقة 16

 


مسلسل ملوك الجدعنه بطولة كلاً من  مصطفى شعبان وعمرو عبدالجليل وعمرو سعد ورانيا يوسف وياسمين رئيس، الذين يطلون علينا بدراما جديده فى رمضان 2021 


مسلسل ملوك الجدعنه الحلقة 16  

  • بتبداء أحداث الحلقه 16 بأن سريه بيوصل وبيشوف الفضيحه بتاعة فاتن وسفينه، بيجرى وراه سفينه ويقوله أقسم بالله وصلتنى رساله أن نجلاء رجعت البيت ولما رجعت أشوفها لاقيت فاتن فى السرير مغمى عليها، لكن سريه بيكون مش فى وعيه ولا سامع كلامه، وبيسيب سفينه ويمشى. 
  • بيرجع أبوفاتن مع بنته فاتن وعفاف، ويقولها ليه كده يابنتى تجبيلنا العار وتكسرينا قدام الخلق، بتقوله فاتن ورحمة أمى أنا ولا حد لمس شعره منى ولا فيه بينى وبين سفينه حاجه، بتسألها عفاف أمال أيه اللى وداكى عنده البيت، بتقولها فاتن جاتلى رساله ع التليفون بأن سريه هناك ومعاه واحده، حتى بيسه قال لعنتر أنه شافهم بعنيه، لما روحت والباب كان مفتوح، كان فيه واحده جات من ضهرى وخدرتنى ومحستش بحاجه غير لما سفينه بيفوقنى وأنتوا جيتوا.
  • سريه بيقعد مع أخوه ويبكى ويقوله هى مالها مستكتره عليا كل حاجه كده ليه، أمك وبتضيع مننا وصاحبى وعشرة عمرى بيخونى مع خطيبتى، بيقوله بعدها سعيد أن فاتن بنت جدعه ومصدقش عليها أي حاجه والموضوع ده هيطلع وراه عنتر، وسفينه أنت أكتر واحد المفروض تكون عارفه أنه ميعملش كده. 
  • وفى الأخير بيقوله سعيد أن الشرطه جات دورت على أمى هنا وقالت أنها هربت، بيقوله سريه متقلقش أنا اللى هربتها وهى فى الحفظ والصون بس أدعيلها أنت بس. 
  • سفينه بيوصله أتصال ويقولوله على مكان نجلاء، بيروح هناك بيلاقى رجالة زاهى العتال بيضربوه ويعذبوه، بيقوله زاهى العتال أن أنتوا وصلتوا لمرحله خطر، ودايماً المراحل الأخيره من أي لعبه بتكون أصعب من اللى فات، بيقوله سفينه أنا موافق أنك تقتلنى أو تعمل أي حاجه، بس نجلاء أختى بره الموضوع ده، بيقوله زاهى ما انتوا كمان دخلتوا سيف أبنى بينا ومكنش ليه دعوه بالموضوع ده، بيرد عليه سفينه ويقوله وأنتوا قتلتوا حبيبه الطفله البريئة اللى ملهاش ذنب. 
  • بعدها بيسيبوا سفينه ونجلاء مربوطين، وبيقول سفينه لنجلاء عن اللى حصل مع فاتن وأنه خسر أعز صحابه بذنب مرتكبهوش، بتقوله نجلاء أن الموضوع ده وراه حد فى الحاره وهو عنتر ابوسته، هو اساس كل الخراب ده، بيقولها سفينه عندك حق أحنا غلطنا لما سبناه وقولنا يبقاله روقه، كان المفروض يكون أول واحد نخلص منه ومن قرفه. 
  • بتحاول فاتن تقول لسريه أنها مظلومه وأن اللى حصل ده كان مترتبله وتحكيله اللى حصل، بيقولها سريه أنا مش عبيط علشان أصدق الكلام ده، ومكدبتش أبتسام لما لمحتلى قبل كده عنك أنتى وسفينه. 
  • وفى أخر أحداث الحلقه 16 من مسلسل ملوك الجدعنه بيكلم عم مصطفى سريه وبيقوله فيه مصيبه حصلت، بيسأله فيه أيه؟ بيقوله زاهى العتال خطف سفينه ونجلاء أخته وناوى يخلص عليهم. 


مواعيد عرض مسلسل ملوك الجدعنه

يتم عرض المسلسل على موقع شاهد vip فى الساعه 11 مساءً بتوقيت القاهرة ومقدم حلقة عن الشاشه 

google-playkhamsatmostaqltradent