recent
أحدث الحلقات

شاهد مسلسل ملوك الجدعنه الحلقة 5

 


مسلسل ملوك الجدعنه بطولة كلاً من  مصطفى شعبان وعمرو عبدالجليل وعمرو سعد ورانيا يوسف وياسمين رئيس، الذين يطلون علينا بدراما جديده فى رمضان 2021 


مسلسل ملوك الجدعنه الحلقة 5 

  • السلام عليكم ورحمة الله وبركاته أهلاً بيكم فى حلقة جديدة من مسلسل ملوك الجدعنه. 
  • بتبداء أحداث الحلقة الخامسة بأن الشرطة بتمسك سفينة وسرية متلبسين فى مكان الجريمة بعد قتل عم حكم.  
  • بيتغير بعدها المشهد على العراف ده وهو بيقول خراب ودمار وميملاش عينه إلا التراب. 
  • سعيد بيكون قاعد ومقضيها سهرة مع أم بسنت ولسوء حظه بتوصل بسنت وبتدخل البيت وبتسمعهم، بيستخبى سعيد تحت السرير لكن بسنت بتاخد بالها وتستغل الموقف ده وتصوره وتخرجه من تحت السرير، وتقوله أطلع علشان فيه كلام كتير بينا، أنت دلوقتى بتاعى وهتجبلى كل الأخبار وإلا أنت عارف ممكن يحصل أيه بالفيديو ده. 
  • بيرجع بعدها ناصر وبتتخانق معاه مراته بسبب أنه باع عفش البيت، لكن ناصر بيهزقها ويقولها أن أنتوا عيله رمم وأخوكى الصايع وفى الأخر بيطردها من البيت ويرميلها هدومها. 
  • بيوصل واحد أثناء الخناقه والناس ملمومه فى الشارع ويقولهم أن عم حكم أتقتل والشرطة أخدت سفينة وسرية، بتسمع أم سرية الخبر ويغمى عليها. 
  • بيتغير بعدها المشهد على أن ظابط المباحث بيقول لسرية وسفينة أنكم متهمين بسرقة وقتل عم حكم، بيقوله سفينه إذاى سرقه وقتل وأحنا بنعز عم حكم ومعانا مفتاح بيته وشقته، وغير كده هو اصلاً معندهوش حاجه تتسرق، بس أحنا عارفين مين اللى عمل كده، بيسألهم مين ؟ بيقولوله أن زاهى العتال هو اللى ورا الخراب ده كله، لكن ظابط المباحث بيقوله أنت مجنون؟ يعنى راجل أعمال كبير زيه أيه اللى يخليه يقتل ولا يكسر باب ويسرق؟ لكن سرية بيقوله أنه هو اللى نزل المنطقه من كام يوم وضرب نار وعمل لبش فى المنطقة، وفى الأخير بيؤمر بحبسهم ظابط المباحث ويطلب إحضار زاهى العتال للتحقيق. 
  • بيدخلوا الزنزانه بيستقبلهم واحد أسمه مصطفى الأسود، بيحاول يعمل عليهم نمره ويعلم عليهم، لكن سفينه وسرية بيضربوا رجالته ويعلموا عليه. 
  • زاهى العتال بيتكلم مع عنتر أبوسته ويقوله أن فيه بنا عقد مختوم بالدم، وأنت اللى جيت وطلعتنى من عندهم، واللى يقربلي خطوه أقربله عشره، بعدها بيديله فلوس ويقوله ده حقك. 
  • بيتصل زاهى العتال على سليم بيه ويقوله أن الماس ده أنا دافع فيه 60 مليون دولار، أنا مش هطلع من هنا غير لما أطمن على حاجتى، بيعترض على كلامه سليم، لكن زاهى بيقوله أن الكلام بنا خلص من أول ما قررت تضحى بيا وتستعين بواحد تانى للشغل، وفى الأخير بيقوله أنا بضاعتى فى حضنى ولما توصل بضاعتك المينا نبقا نبدل ونصرفها وده أخر كلام عندى. 
  • أبوفاتن بيلوم بنته ويقولها أن اللى قلبك أختاره مينفعش يشحططك وراه فى الأقسام وإلا تنسيه، بعدها بياخد باله أنها باعت الحلق بتاعها علشانهم، بيلومها ويقولها أن ده الحاجه الأخيره اللى أدتهالك أمك الله يرحمها. 
  • وفى أخر أحداث الحلقة الخامسة بيحقق وكيل النيابة مع سرية وسفينه ويقولهم أن كلامكم كله غلط، لأن مصلحة الجوازات بتقول أن زاهى العتال فى لندن من شهرين. 


مواعيد عرض مسلسل ملوك الجدعنه

يتم عرض المسلسل على موقع شاهد vip فى الساعه 11 مساءً بتوقيت القاهرة ومقدم حلقة عن الشاشه.

google-playkhamsatmostaqltradent