recent
أحدث الحلقات

شاهد مسلسل ملوك الجدعنه الحلقة 30

 


مسلسل ملوك الجدعنه بطولة كلاً من  مصطفى شعبان وعمرو عبدالجليل وعمرو سعد ورانيا يوسف وياسمين رئيس، الذين يطلون علينا بدراما جديده فى رمضان 2021 


مسلسل ملوك الجدعنه الحلقة 30 

  • تبداء أحداث الحلقه 30 من مسلسل ملوك الجدعنه بأن عواطف بتروح لفاتن وبتبكيلها وتقولها سامحينى ياختى أنا محقوقالك، أنا ظلمتك كتير وربنا مبيرضاش بالظلم، بتقولها فاتن أنا مسمحاكى علشان عضم التربه، والوحده بتقسى واللى شوفته كتير، وفى الأخير بتديلها فاتن فلوس وتقولها خليهم معاكى، وعواطف بتقولها لو جرالى حاجه خلى بالك من العيال ومش هبقا مطمنه غير لما يكونوا معاكى.
  •  سنوفه بيكلم سريه وبيقوله يا معلم البت اللى أدتنى رقمها أبيض يا ورد خالص وملهاش فى المجال، بيقوله سريه أنت متأكد يا سنوفه؟ بيقوله أنا فى المجال ده من زمن وأقدر أميز البنت المحترمه من وسط 1000. 
  • بيتغير المشهد على عواطف وهى بتروح القسم وبتبلغ على نفسها أنها زورت أوراق رسميه ومضت أبوها وهو مغمى عليه فى المستشفى وأكلت حق أختها، علشان تبطل العقد اللى مع طحاوى، وبيؤمر الظابط بتحويل الورق للجنه لفحصه والتأكد من صحته. 
  • بيروح سريه عند فاتن ويستناها وهى خارجه من السنتر، ولما بتخرج بيروحلها بالعربيه ويقولها أركبى يا فاتن أنا عايزك، بترفض فاتن وتقوله سكتك غير سكتى يا باشا، أحنا مش قد المقام، بينزلها سريه ويقولها مقام أيه وكلام فارغ أيه؟ لسه فيه كلام كتير هنحكى فيه، وفى الأخير بتركب معاه فاتن. 
  • بيقولها سريه أنا عارف كل قصة حياتك ومتابعك وعارف أن نزلك صور على موقع مخل، بتتصدم فاتن وتقوله موقع أيه وصور أيه؟ حسبى الله ونعمه الوكيل فى البنت اللى كنت شغاله معاها فى المول، هى اللى ورا كل المصايب دى وعملت كده علشان تقطع عيشى من المول، وفى الأخير سريه يقولها أنا هجبلك حقك من كل اللى ظلمك. 
  • بترجع بسنت البيت بيقولها سعيد كنتى فين؟ بتقوله كنت فى الجيم، بيضربها ويقولها أنتى طالق، سريه باعت ناس تراقبك وأنتى كنتى عند مجدى بدران، بتبوس على أيده وتقوله سامحنى أنا مش هعمل كده تانى وغلطه ومش هتتكرر، لكن سعيد بيطردها من البيت. 
  • بتحكم المحكمه ببطلان ورق ملكية البيت والمحل لفاتن وأن الأمضاء كانت بدون وعى الأب، وبتقرر المحكمه سجنها 3 سنين للتزوير. 
  • بتسمع فاتن الخبر وبتروح لأختها قسم الشرطه وبتقولها عملتى ليه كده فى نفسك، بتقولها عواطف أن طحاوى ضحك عليا وعمل توكيل وأخد المحل والبيت منى، وكان ده الحل الوحيد علشان نرجع ملك أبونا، ياريت تخلى بالك من عيالى يا فاتن ملهمش ذنب فى حاجه، لكن فاتن بتقولها أنا هجبلك أكبر محامى وهخرجك. 
  • بيعرف سريه بالخبر وبيقول لفاتن متشغليش بالك أنا مستعد أخرجها بالكفاله، وبيبعت محامى علشان يخرجها. 
  • وفى أخر أحداث الحلقه بيروح سليم بيه ومجدى بدران عند سريه، وبيقوله سليم أنت خنتنى يا سريه رغم أنى أمنتك على البضاع وعلى بنتى، لتنتهى الحلقه على هذا الحدث.


موعد عرض مسلسل ملوك الجدعنه الحلقه 30                                                             

يتم عرض المسلسل على موقع شاهد vip فى الساعه 7 مساءً بتوقيت القاهرة ومقدم حلقة عن الشاشه.

google-playkhamsatmostaqltradent