recent
أحدث الحلقات

شاهد مسلسل دور العمر الحلقه 2

الصفحة الرئيسية

 

مسلسل دور العمر بطولة سرين عبدالنور وعادل كرم ويصنف على أنه عمل درامى وأكشن. 

تدور أحداث المسلسل حول شخصية شمس مطر والتى تجسد دورها سرين عبدالنور، فهى فتاة مضطربه نفسياً وتقع فى غرام شخصية أمير التى يجسدها فارس فى أعماله السينمائية بالمسلسل بسبب قوة هذه الشخصية فى الأنتقام، ومن بعدها يخططون للأنتقام من عصابات كبيره. 


مسلسل دور العمر الحلقه 2 

  • بتبداء أحداث الحلقه التانيه بأن شمس بتروح عند الدكتوره اللى بتعالجها نفسياً، وبتقولها شمس أنها أخيراً قدرت تصاحب الشخص اللى كانت بتدور عليه، وتقصد فى كلامها فارس. 
  • بيتغير المشهد على فارس وهو بيفتكر الماضى، بترجع بينا الأيام لما كان طفل صغير، فى أحتفاليه فى الحاره عندهم بيتم أطلاق النار فى الأحتفال، ولسوء حظهم بيصاب والده برصاصه وبيتوفى فى الحال، بعدها أمه بتتجوز واحد من الحاره وبيعاملها بعنف وضرب وتعذيب، ووقتها بيقرر فارس الأنتقام منه ويضربه على رأسه ليقع ميت، وفى الأخير أمه بتطلب منه أنه لا يعترف على نفسه وأنه يقول بأن أمه هى اللى قتلته. 
  • ده رامز اللى هو أبوشمس متجوز دي وهى ام شمس، وبيخونها مع ليلى اللى هى أختها، بتعرف أن جوزها بيخونها مع أختها وبتقرر تسيبله البيت. 
  • ام فارس بتواجه بنتها بحملها ولكن داليا مبتنكرش وبترفض تقولها الحمل من مين، بعدها بيقعد معاها فارس وبيعرف منها أنها حامل من هادى، بيسيبها ويروح يقابل هادى وبيضربه ويعذبه وبعدها بيهدده أنه يختفى من حياته وحياة أخته وإلا هيقتله. 
  • بيرجع بعددها فارس البيت وبيطلب من أمه أنها تاخد داليا تانى يوم المستشفى وتتخلص من الحمل. 
  • الشخص ده كان جوز شمس السابق، كان خمورجى وبتاع قمار ودايماً بيخسر كتير، لحد ما بيقرر في يوم أنه يسلم مراته لراجل معاه على الطرابيزه علشان يخفف ديونه عنده، المهم أن الشخص ده بيسيب فلاشه قدام بيت شمس ولمابتشوفها بيكون فيها فيديو بيعترفلها فيه أنه كذب عليها لما قالها أن كاميرات المراقبه اللى فى الشقه مش شغاله، وأنها صورتك وأنتى وفارس بالفيديو، وأنك لو مجبتيش 30 الف دولار هوزع الفيديوهات على الانترنت وهتتفضحوا، وبعدها شمس بتتعصب وبتكسر الكاميرات. 
  • بتروح شمس عند بيت فارس وبتحكيله اللى حصل، بيطمنها وبيقرر أنه يعمل معاها خطة. 
  • بيتغير المشهد بعدها على أم فارس وهى داخله أوضة بنتها، وبتلاقيها اخدت كمية كبيره من البرشام فى محاولة للأنتحار، لكن أمها بتاخدها المستشفى وبيعملولها غسيل معده وبيلحقوها.
  • وفى أخر أحداث الحلقه بتقابل شمس جوزها السابق وبيعطيها الفيديوهات وبياخد الفلوس، لكن شمس بتقوله متفرحش كتير لأنك مش هتلحق تفرح بيهم، بعدها بيسيبها ويركب العربيه وبيظهر وراه فارس. 


مواعيد عرض مسلسل دور العمر 

يعرض مسلسل دور العمر بطولة عادل كرم وسرين عبدالنور على منصة شاهد VIP وهو من أعمالها التى طرحتها  كل يوم أربعاء من الأسبوع، ولم يتم عرضه على أي من شاشات التلفزيون حتى الأن، وموعد نزول الحلقه فى تمام الساعه 11 مساءً بتوقيت القاهره والساعه 12 بتوقيت مكه المكرمه.
google-playkhamsatmostaqltradent