recent
أحدث الحلقات

مسلسل ع الحلوه والمره الحلقه الأولى

 


مسلسل ع الحلوه والمره هو مسلسل لبنانى بطولة دانا ماردينى ونيقولا معوض، وتدور أحداث المسلسل حول قصة فرح التى تركها ريان فى يوم زفافها، وبعد فترة تعدت الخمس سنوات تتحول حياة فرح للأفضل عندما تصبح منظمة لحفلات الزواج، ولكن تصادفها الصدفه أنها تكون منظمه لحفلة زواج ريان مع بنت مديرة الشركة التى تعمل بها. 


أحداث الحلقه الأولى من مسلسل ع الحلوه والمره

  • بتبداء أحداث الحلقه الأولى من مسلسل ع الحلوه والمره بأن الكادر بيبداء ببوكيه ورد على الأرض وأن العروسه اللى هى فرح بتبكى بسبب عريسها اللى سابها يوم الفرح وهرب. 
  • بيتغير المشهد بعد مرور 5 سنوات وأن حياة فرح بقيت أفضل وأصبحت منظمه لحفلات الزفاف. 
  • أسما بتكلم فرح وبتشكرها على تنظيمها الممتاز، وبتقولها أنها قررت تخليها هى اللى تنظم فرح بنتها لانا، ومن بعد جوازها هعينك أنتى علشان تكونى على رأس الشركه، وبتفرح جداً فرح بالخبر ده ومن بعدها بتطلب منها أسما أنها تعدى عليها فى البيت علشان تتعرف على بنتها لانا. 
  • بيتغير بعدها المشهد على لانا وهى بتستقبل ريان فى المطار بعد عودته من السفر، وريان ده هو العريس اللى ساب فرح وهرب من 5 سنين فى يوم زفافها. 
  • بتدخل فرح على الأنستا هى وصاحبتها علشان يشوفوا أكونت لانا ويعرفوا مين عريسها، لكن مش بيشوفوا ليه أي صور وبيتنمروا عليها. 
  • بتمشى صاحبتها وبتفتح فرح البوم صور لذكرياتها وبتشوف الصور بس بتكون قاصه أي صوره فيها ريان، وفى المقابل ريان بيفتح ألبوم ذكرياته ولما بيشوف صور فرح بيندم على اللحظات وبيشيلهم. 
  • بيتسلم ريان عمله فى بيروت وبيكون مدير فندق، فى أول يوم عمل ليه بيلاقى كل التفاصيل مش عجباه والمشاكل كتير، بيعمل أجتماع مع روؤساء الأقسام وبيعرفهم أن خطة العمل هتتغير وقد أيه الوضع الحالى مش عاجبه. 
  • بيكون الفندق ملك لأم لانا وهى اللى بتقابله وبتطلب منه يمسك مدير الفندق ويصحح مساره، وبيقرر أنه يستقر فى الفندق لحد معاد الفرح. 
  • بترجع فرح الفندق لأن فيه مقر الشركة اللى بقيت مديرتها، بيحصل موقف مع ريان وكانوا هيتقابلوا ويشوفوا بعض لكن الدراما لازم يكون ليها دور. 
  • بتروح فرح عند بيت أسما وبتقابل لانا، بتقترح عليها فرح أفكار سمبل وبسيطه للحفل وبتُعجب بيها جداً لانا. 
  • فى المقابل أم ريان بتكون بتتفق مع دى على أفكار للحفل عكس كل اللى بتقوله فرح. 
  • وفى أخر أحداث الحلقه الأولى بتنظم فرح حفل فى الفندق، بيدخل بعدها المدير بيصحح حاجات على شغلها، ولما بترجع فرح بتدايق من التصرف ده وبتروح علشان تكلمه، وأول ما بتشوفه ويشوفها ويعرفوا بعض بتنتهى الحلقه.


موعد عرض مسلسل ع الحلوه والمره

يعرض مسلسل ع الحلوه والمره فى قناة mbc4 أبتداءً من الأحد للخميس فى تمام الساعه 9 بتوقيت السعوديه والساعه 8 بتوقيت القاهره، بينما يتم عرضه على منصة شاهد vip مسبقاً بحلقه حيث يبداء من السبت إلى الأربعاء فى الساعه 9 بتوقيت السعوديه والساعه 8 بتوقيت القاهره.
google-playkhamsatmostaqltradent