recent
أحدث الحلقات

مسلسل الحرامى 2 الحلقه 9

الصفحة الرئيسية

 


مسلسل الحرامى الموسم الثانى يصنف ضمن أعمال الدراما الإثاره والتشويق، وهو عمل فنى من إنتاج شركة شاهد VIP بطولة كلاً من بيومي فؤاد ورانيا يوسف وأحمد داش وكارولين عزمى ورنا رئيس. 

تدور أحداث المسلسل الخاصه بالموسم الثانى فى أن كمال يساعد طارق والد سالي أملاً فى التقرب من هذه الأسره مرة أخرى بعد حبه الشديد لسالي. 

أحداث الحلقه 9 مسلسل الحرامى الموسم الثانى 

  • بتبداء أحداث الحلقه 9 من مسلسل الحرامى الموسم الثانى بأن سالى بتخرج من المكان اللى قاعده فيه، وبالصدفه بيشوفها غفير من اللى بيدوروا عليهم وبينادى على إبراهيم، لكن سالى أول ما بتشوفه بتجرى منه. 
  • أثناء ما بيجرى وراها بيقدر يمسكها، لكن فجأه بيظهر من وراه كمال وبيضربه على دماغه وياخد سالى ويهرب. 
  • بيجروا على صوت الغفير وبيلاقوه نايم فى الأرض وبيفوقوه وبيعرفوا أن سالى وكمال ماذالوا موجودين، بيطلب منهم نشأت أنهم يأمنوا كل المخارج كويس أوى علشان ميقدروش يخروجوا من المكان. 
  • بيدخل كمال هو وسالى الأوضة اللى فيها شنطة الفلوس، بيسمعوا صوت وبيستخبوا فى الأوضه، بعدها بيدخل نشأت وأمين الأوضة، بيقوله نشأت أننا لازم نطمن على الشنطه ونغير مكانها، وجودها هنا خطر، لكن أمين بيقوله على جثتى الشنطه دي تخرج، الفلوس تتقسم على أتنين يا تفضل الشنطة فى مكانها لحد ما نخلص من موضوع العيال الى هربوا دول، لكن نشأت بيقوله تمام أوى بس تفكيرك ده هيضيعنا. 
  • بيخرج بعدها كمال بعد ما سمع كلامهم ويقول لسالى لازم ناخد الشنطة دي معانا وأحنا بنهرب علشان من غيرها أبوكى هيتسجن وتتبهدلوا. 
  • بيتغير بعدها المشهد على رانيا وهى بتتصل على نشأت وبتطلب تقابله، بيروح علشان يقابلها هو وأمين، بتقوله أنا جبتلك كل الدهب بتاعى وعقد المزرعه ودى كل فلوسى، خدها أنا مش عايزاها بس سبلى بنتى علشان تعبانه ومش هتقدر تتحمل كل ده، بيتعصب عليها نشأت ويقولها أنا مش عايز فلوس أنا عايز الباسبورات بتاعتى، غير كده متتكلميش معايا تاني. 
  • بيحصل أجتماع فى مجلس الإداره وبيتكلم معاهم طارق ويحكيلهم موقفه، بيقولهم أنه أخد الفلوس علشان علاج بنته، وأن بنته أتخطفت من نشأت وهو اللى أخد الفلوس، وأنه بيحاول يرجع بنته ومستعد لأى عقاب تمن خطائه، لكن بيقرروا أنهم يدوله فرصه لحد يوم الجرد. 
  • وفى أخر أحداث الحلقه بيحاول يخرج كمال هو وسالى من المكان اللى هما فيه وبتكون شنطة الفلوس معاهم. 


موعد عرض حلقات مسلسل الحرامى الموسم الثانى 

يعرض مسلسل الحرامى أبتداءً من يوم الأحد 1 أغسطس فى الساعه 11 مساءً بتوقيت القاهرة 12 مساءً بتوقيت مكه المكرمه، حيث يتم عرض 4 حلقات أسبوعياً متواصلين من يوم الأحد إلى يوم الخميس، الجدير بالذكر هو أن عدد حلقات المسلسل 10 حلقات ويعرض فقط وحصرياً على موقع شاهد VIP
google-playkhamsatmostaqltradent