recent
أحدث الحلقات

مسلسل الهيبه جبل الموسم الخامس الحلقه 2

 


مسلسل الهيبه جبل الموسم الخامس والذى سوف يتناول المخرج الكثير من الأحداث خلاله، حيث أن المخرج يبداء أحداث الحلقه بمقتل أخيه صخر بعد فخ قام فيه أتباع زيدان، بالاضافه إلى أنهم سوف يقومون ببناء سد للهيبه والذى كان الجميع يظن أن كل مشاكل الهيبه ستنحل بهذا الصرح الكبير، ولكن يكتشف جبل أن كل هذا تم من أجل التهريب الذى ينون عليه، ويشتعل الصراع بينهم. 


مسلسل الهيبه جبل الحلقه 2 

  • تبداء أحداث الحلقه 2 من مسلسل الهيبه جبل بأن كبار أهل الهيبه بتروح عند مضيفة جبل زي ما أمر بجمعهم، بيقولهم جبل أن الجمعه دي مش للعزا، احنا بناخد العزا بعد ما بناخد تارنا، بعدها بيسألوه مين اللى عمل العمله دي؟ بيقولهم جبل أن اللى عملوها ناس وسخه واطيه وأنا هاخد حقى عندهم بميدانهم فى بيروت، ومش هرجع غير لما ناخد حقنا، وأنا جمعتكم اليوم لأخبركم وبس مش لطلب المساعده لا سمح الله. 
  • بيتغير بعدها المشهد على سجن النسا ببيروت، وبتكون الست قاعده لوحدها، بتقرب منها دي وبتقولها جهزى حالك الشايب طلب يزورك، بتسألها الست وبتقولها أيه المطلوب منى؟ بتعطيها ورقه مكتوب فيها مين اللى ورا زيدان. 
  • جبل بيطلب من شاهين أنه يفضل فى الهيبه فى فترة غيابه، وبيقوله أنا مينفعش أسافر ويبقا ضهرى مكشوف، بيرد عليه شاهين ويقوله يابن عمى أنا فى ضهرك، وفى الأخير بيلبسه العبايه وبيقوله جبل كون قدها وأنت قدها. 
  • أم على بتطلب من أبنها علي أنه على الاقل يشوف وش أبنه قبل ما يسافر، وأنه ملهوش ذنب باللى حصل لأمه، بيقرب منه على وبيكبر فى ودنه وبعدها بيقول لأبوه إذا ما رجعت أخبروا ابنى أنى روحت أجيب تار أمه. 
  • بيروح أبوطلال وبيقابل الست فى السجن وبيقولها أنتى أيه اللى دخلك السجن؟ بتقوله أنا جبت وسطه علشان أدخل هنا، بيسألها من مين خايفه؟ بتقوله أجابة السؤال اللى أنت سألته هتكون رقبتى، بيقولها أبوطلال أنا بايدي أنهى حياتك اليوم قبل بكره، وبأيدي أحميكي، بتقوله أنا عشت تهديد وترهيب كتير بعد موت زيدان، بس أنا هجاوبك علشان أخلص من الكابوس اللى عايشه فيه. 
  • هما شبكه بتكمل بعضها وبتحمى نفسها، وزيدان كان واجهتهم وسادسهم، بيسألها بتعرفى الخمسه الباقيين؟ 
  • بتقوله أولهم حسن الراضى، بزنس مان وزميلهم باللعب وهو المخ الأقتصادى للشبكه، وقادر يعدى أي شئ وقت ما يحب.
  • فواز الأمير، الايد الأمينه للشبكه وهو المسئول عن التوزيع وكل مره بحيله جديده وكل وقته بـالـ night club تبعه. 
  • تالتهم سليم، علاقات على أعلى مستوى وكل خدمة بالشيك. 
  • رابعهم فؤاد ياسين، مسئول عن الأعمال الخيريه وقادر يتحكم بالصحافه. 
  • وأخر واحد أبوفارس، عايش معكم بالهيبه ويتمنى يخلص منكم بأسرع وقت. 
  • بيتغير بعدها المشهد على جبل وهو بيسمع المعلومات دى كلها من أبوطلال. 
  • وأثناء الخمسه دول متجمعين كعادتهم وبعد ما جبل عرف عنهم كل حاجه، بيبعتلهم كلهم نفس الرساله وفى نفس الوقت، ومكتوب فيها "أولكم زيدان هوووز نيكست" يعنى أول واحد فيكم زيدان وتوقعوا مين التانى اللى عليه الدور. 
  • بيرتبكوا كلهم بعد الرساله وبعدها بيدخل واحد من الحراس وبيقول لفواز أن جبل هجم على الـ night club بتاعه  وكسروه هو ورجالته. 
  • وبيتغير المشهد على تكسير وأنفجار كبير فى الـ night club. 
  • بيروح شاهين ورجالته للمخبئ بتاع أبوفارس وبيصطادوه وبيكون أول واحد يوقع فيهم. 
  • بيروح على وأبوطلال ومجموعه من رجالتهم ويهجموا على المخزن بتاع فواز الأمير واللى فيه البضاعه اللى بيهربوها، وبعد معركه كبيره بينهم بيتصاب فواز فى أيده ولكن بيهرب منهم. 
  • بيتجمعوا الشله من تانى وبيوصل فواز متصاب، ويقولهم أن أبوفارس صار بايدين جبل، بيخافوا كلهم ويقولوا الدور على مين فينا وصار يخرب بمصالحنا. 
  • وفى أخر أحداث الحلقه بيطلبوا من جبل أنهم يقعدوا معاه ويتفاوضوا، وجبل بيوافق ويقول لأبوطلال انشالله ما يكون بيشتروا وقت بهذه الحركه.


موعد عرض مسلسل الهيبة جبل 


يتم عرض مسلسل الهيبه جبل فقط وحصرياً على منصة شاهد من يوم الاحد إلى يوم الخميس فى تمام الساعه 5 مساءً بتوقيت القاهره، ويعرض على شاشة تلفزيون mbc ابتداء من الاثنين ولكن سوف يتم عرضه أسبوعيا من يوم الأحد للخميس أيضاً فى تمام الساعه 5 مساءً بتوقيت القاهره 

google-playkhamsatmostaqltradent